အချိန်ရှိခိုက်၊ လုံ့လစိုက်၊ မမိုက်သင့်ပေ၊ ဒို့တစ်တွေ။

Saturday, February 28, 2015

ဘာမှ မဟုတ်ပါဘူး



ဘာမှ မဟုတ်ပါဘူး
          နယ်ပယ်တစ်ခုမှ နာမည်ကြီး ဆရာကြီးတစ်ဦးသည် သင်ကြားပြသမှု ကောင်းသဖြင့် တပည့်တပန်း ပေါများ၏။ နည်းပေးလမ်းညွှန်မှု ကောင်းသဖြင့် လာရောက် အကြံဥာဏ်တောင်းခံသူများလည်း ကြက်ပျံမကျ စည်ကားသည်။ အိမ်ထောင်ရေး အဆင်မပြေသူများ၊ စီပွားရေး အဆင်မပြေသူများ၊ လူမှုရေး အဆင်မပြေသူများဖြင့် စုံလင်လှ၏။
          ဆရာကြီး၏ နည်းမှာ “ဘာမဟုတ်သောနည်း” ဖြစ်သည်။ ဤနည်းဖြင့် လျှမ်းလျှမ်းတောက် ကျော်ကြားခြင်း ဖြစ်သည်။  
          ဆရာကြီး သင်ပြမှုအရ အကြံဥာဏ်ရယူသူများသည် ဂါထာတစ်ပုဒ်ကို တစ်နေ့ ၁၄-ကြိမ် ရွတ်ရမည်။ နေထွက် ၇-ကြိမ်၊ နေ၀င် ၇-ကြိမ် ခွဲထားပြီး နေကို မျက်နှာမူ၍ အသံခပ်ကျယ်ကျယ်ဖြင့် ရွတ်ဆိုရမည်လည်း ဖြစ်သည်။

          ရွတ်ဆိုရာ၌ အစီအမံမှာ နေဘက်ကို မျက်နှာမူပြီးနောက် ပုံမှန်အတိုင်း မတ်တပ်ရပ်ရမည်။ ခြေနှစ်ဘက်ကို အတန်အသင့် ကားထားရမည်။ ရုပ်ပျက်ဆင်း ကားခြင်းမျိုး မဖြစ်စေရ။ လက်နှစ်ဘက်ကိုလည်း ပုံမှန် ဘေးတိုက်အနေအထားတိုင်း ချထားရမည်။ ထိုနောက် ကျန်းမာရေး လေ့ကျင့်ခန်း လုပ်သည့်အတိုင်း လက်နှစ်ဘက်ကို အပေါ်သို့ ခပ်ဖြေးဖြေးမြောက်ရမည်။ လက်မြောက်သည်နှင့် တစ်ပြိုင်နက်တည်းမှာ ဂါထာကိုလည်း ဟန်ချက်ညီအောင် ရွတ်ဆိုရမည်။ ရွက်ဆိုရမည့် ဂါထာမှာ “ဘာမှ မဟုတ်ပါဘူး” ဟူ၍ ဖြစ်သည်။
          ယင်းဂါထာကို ရွတ်ရာတွင် စိတ်မပါသည်ဟန်ဖြင့် ရွတ်သလိုမျိုး ခပ်လေးလေး ဖြေးဖြေးဖြင့် ရွက်ရမည်လည်း ဖြစ်သည်။
          အဆိုပါနည်းကို အသုံးပြု၍ စိတ်ကျရောဂါသည် အတော်များများကို ကုစားရာတွင် အတော်အောင်မြင်ကြောင်းလည်း သိရသည်။
          တစ်နေ့တွင်-
စီးပွားရေးအဆင်မပြေသည့် လူလတ်ပိုင်းတစ်ယောက် ရောက်လာပြီး ဆရာကြီးထံမှ အကြံဥာဏ်ရယူ၏။ ဆရာကြီး၏ ညွှန်ကြားချက်အတိုင်း အထက်ပါနည်းဖြင့် ဆရာကြီးထံတွင်ပင် နေထိုင်၍ အတိအကျ လေ့ကျင့်သည်။ တစ်ပတ်ခန့်အကြာတွင် စီပွားရေး အဆင်မပြေ၍ စိတ်ဆင်းရဲနေသည့် အဆိုပါ လူနာသည် ပုံမှန်အတိုင်း ဖြစ်သွားပြီး “တို့ ဆရားကြီးလည်း ဘာမှ မဟုတ်ပါဘူးကွာ”ဆိုပြီး ပြန်သွားသောဟူ၏။
(မှတ်ချက်။      ။ ကြားဖူးနားဝရှိသည်ကို ပြန်လည်မျှဝေသည်)။
သူ (သရက်)
Saturday, February 28, 2015
(ဤနည်းမျိူးကို “နတ္ထိက၀ါဒ”၊ သို့မဟုတ် “အဟေတုက၀ါဒ”အဖြစ်လည်းကောင်း၊ “အကိရိယ၀ါဒ”အဖြစ်လည်းကောင်း ဒီဃနိကာယ်၊ သီလက္ခန္ဓ၀ဂ်၊ ဗြဟ္မဇာလသုတ်တွင် တွေ့နိုင်ပါသည်)။

0 comments:

Post a Comment