အချိန်ရှိခိုက်၊ လုံ့လစိုက်၊ မမိုက်သင့်ပေ၊ ဒို့တစ်တွေ။

Friday, September 27, 2013

ဘောင်မခတ်နဲ့



ဘောင်မခတ်နဲ့
۞۞۞۞۞
အင်း ……. မှန်ပါပေတယ်။ မှန်ပါပေတယ်။
ဘာတွေမှန်တာလဲ အရှင်ဘုရားလေးရဲ့-ဟု မိတ်ဆွေ ရဟန်းတော်မှ ၀င်ထောက်၏။
မှန်တယ်ဆိုတာ မှန်တာပဲပေ့ါ အရှင်ဘုရား။ ဘာမှန်တာလဲလို့ ထပ်ဖွင့်ရင် အမှန်တရားကို ဘောင်ခပ်ရာရောက်တယ်ဘုရား။ ဒါကြောင့် ဘာကြောင့်တွေ ဘာတွေ မမေးနဲ့ဘုရား။
ရှင်းလေ ရှုပ်လေပဲ အရှင်းဘုရားလေးရေ။ လိုက်မမီတော့ဘူး။
ဒီလိုလေဘုရား။ မှန်တယ်ဆိုတာ ကို မှန်တယ်လို့ပဲထား။ ဘာတွေမှန်တယ် ဘာကြောင့်မှန်တယ် စသဖြင့် နောက်ထပ် မတွေးနဲ့တော့။ တွေးလိုက်ပြီဆိုတာနဲ့ ဒါမှမဟုတ် အဲဒီမှန်တယ်ဆိုတာကြီးကို အကြောင်းနဲ့ အကျိုးနဲ့ ရှင်းပြလိုက်ပြီဆိုတာနဲ့ သဘောမတူစရာတွေ အငြင်းပွားစရာတွေ တစ်အုံကြီး တမကြီးလာတော့မယ်။
”ကာကော-ဟူသည်ကား ဒင်ကျီးတည်း” ဆိုသလိုပါပဲလား အရှင်ဘုရားလေးရယ်။
ဒီလို အရှင်ဘုရားရေ။ တစ်ခါက နာမည်ကျော် ပန်းချီဆရာကြီးဆွဲထားတဲ့ တုတ်ချောင်းလေးတွေ ဟိုဆွဲ ဒီဆွဲ ဆေးရောင်စုံပြန့်ကျဲနေတဲ့ ပန်းချီကားကို လူတစ်ယောက်က နားမလည်နိုင်ဘူးတဲ့။ ပန်းချီလောကအခေါ် စိတ္တဇပန်းချီ ဘာညာတော့ ကြားဖူးတယ်ပေါ့ဘုရား။ သို့သော် အဓိပ္ပါယ်က ဘာကို ဆိုလိုပါလိမ့်လို့ သိချင်စိတ်ကို မချုပ်တည်းနိုင်တာနဲ့ ……
မေးဖြစ်တယ်ဆိုပါတော့ ……….။
အမှန်ပဲဘုရား။ အဲဒီတော့ ပန်းချီဆရာက ဘာပြန်ပြောလဲဆိုတော့ (မကျေမနပ်ဖြစ်ပြီး ‘အ’ရန်ကောဆိုတဲ့ မျက်နှာပေးနဲ့) “ခံစားမှုဆိုတာ ဘောင်မခပ်ရဘူး၊ ဒါဟာ ဘာဖြစ်တယ်လို့ ဖွင့်ဆိုလိုက်တာနဲ့ ခံစားမှုကို ဘောင်ခပ်ရာရောက်သွားပြီ။ ဒီတော့ အဓိပ္ပါယ်ကလည်း ကျဉ်းသွားပြီ။ အဲဒီတော့ ခံစားမှုကို ဘောင်မခပ်နဲ့။ လွတ်လွတ်လပ်လပ် တွေး။ ကြိုက်သလို အဓိပ္ပါယ်ဖွင့်-တဲ့။ အဲဒါမှ ခံစားမှုဟာ ပိုပြီးလေးနက်တယ်၊ ကျယ်ပြန့်တယ်-တဲ့။
ပေါက်တတ်ကရဆွဲပြီး အဓိပ္ပါယ်ဖွင့်မရလို့ ပြောတာဖြစ်မှာပါ အရှင်ဘုရားလေးရာ။
မှန်ပါ။ ဒါကြောင့်ပဲ ပြောပါတယ်။ မှန်တယ်ဆိုတာ မှန်တယ်ပဲပေါ့။ ဘာမှထပ်ပြီး ဇာချဲ့မနေနဲ့။ မဟုတ်ရင် အငြင်းပွားနေရမယ်။ အချင်းများနေရမယ်။
ဒီလိုဆိုတော့ အရှင်ဘုရားလေးက “ဧ၀ံ မေ သုတံ- ဤသို့ကြားခဲ့ရသည်။ ဥပလက္ခိတံ- ဤသို့ မှတ်အပ်သည်။ ပြီးတော့ ဓာရိတံ- ဤသို့ ဆောင်ထားသည်” လို့ပဲ မှတ်ရတော့မှာပေါ့။ ဟုတ်ကဲ့လား အရှင်ဘုရားလေး။
အသင့်တော်ဆုံးပါဘုရား။
                                             မေတ္တာဖြင့်-
                                                            အရှင်ဥတ္တမာနန္ဒ (ပေရာဒေနိယတက္ကသိုလ်)
                                                                Thursday, September 26, 2013

0 comments:

Post a Comment