အချိန်ရှိခိုက်၊ လုံ့လစိုက်၊ မမိုက်သင့်ပေ၊ ဒို့တစ်တွေ။

Monday, July 22, 2013

မှတပါး



“ …… မှတပါး”

۞۞۞۞۞

ကျန်ခဲ့တဲ့ခြေရာတွေဟာ
ချန်ခဲ့တဲ့ ခြေရာတွေ မဟုတ်တော့
သိမ်းဆည်းဖို့ သတိမရခဲ့ဘူး။
တစ်ခါတရံတော့လည်း
ပြန်ကောက်လို့ မရတဲ့ အတိတ်တွေကို ပြန်ကောက်ရင်း
မလုံမခြုံ သိမ်းထားဖို့ စဉ်းစားမိပြန်တယ်။
မစွန့်ပစ်ခဲ့မိတဲ့ အမှိုက်တွေကိုကြည့်ရင်း
နောင်တတွေ ခါခါရ
ကြည့်ရင်းတန်းလန်းနဲ့ပဲ အမှိုက်တောင်းဟာ ဖောင်းလာတယ်။
တစ်နေ့ ………
အဲဒီနေ့မှာ တို့ရောက်လာတယ်
သူတို့ပြောသလိုဆို
မျှော်လင့်ခြင်းတွေနဲ့ပေါ့။
အဲဒီတစ်နေ့လိုပဲ
ပြန်ရဦးမယ်
သူတို့ပြောခဲ့သလို
မျှော်လင့်ခြင်းတွေနဲ့ပဲလား
မီးစာခမ်းတော့မယ့် မီးတောက်လိုလား
သစ်ပင်ကို စွန့်သွားတဲ့ ငှက်ငယ်ရယ်
ပြီးတော့ ရွက်ဝါရယ်လေ
အရာအားလုံး ခပ်ဝါးဝါးထင့်။
အင်း …….
လာခဲ့ကြသလို ပြန်ရမှာလည်း အသေချာပဲ
ဗလာနဲ့ လာပေမယ့်
ပြန်စရာအတွက်တော့
တစ်သက်တာရှာကြံမိခဲ့ကြပြီမို့
တစ်ခုခုတော့ ပါမှာသေချာတယ်
သုံးမရတဲ့အမှိုက်တွေလား
မြင်ရာ မြင့်ရာ တင့်လာမယ့် ရတနာတွေလား ….. ။
                                                                                သူ (သရက်)
                                                                                Friday, July 19, 2013

0 comments:

Post a Comment