အချိန်ရှိခိုက်၊ လုံ့လစိုက်၊ မမိုက်သင့်ပေ၊ ဒို့တစ်တွေ။

Saturday, July 20, 2013

မင်းမြင်တဲ့အလှကို သူမြင်လည်းလှ ငါမြင်လည်း လှစေဖို့



“မင်းမြင်တဲ့အလှကို သူမြင်လည်းလှ ငါမြင်လည်း လှစေဖို့
**************************************

လူတိုင်းမှာ ရင်ဖွင့်စရာတွေရှိပေမယ့် မသင့်တော်လို့ မြို့သိပ်နေကြရတယ်။
ဒါကိုပဲ .........အခွင့်ရေး ချိုးဖောက်တယ်လို့ ပြောချင်ကြတာလား။
လူတိုင်းမှာ ပြောချင်တာတွေကြိတ်မှိတ် ပြောသင့်တာတွေကိုသာ အများမကြိုက်လည်း ပြောသင့်လို့ ပြောပေးနေရတယ်။
ဒါကိုပဲ .........အခွင့်ရေး ချိုးဖောက်တယ်လို့ ပြောချင်ကြတာလား။
လူတိုင်းမှာ လုပ်ချင်တာတွေ ချွေးသိပ်ပြီး မလုပ်ချင်တာတွေဖြစ်ပေမဲ့ လုပ်သင့်လို့ လုပ်နေကြရတယ်။
ဒါကိုပဲ .......အခွင့်ရေး ချိုးဖောက်တယ်လို့ ပြောချင်တာလား။
အဲဒီလို (............) ကွက်လပ်ထားတာကို ........အခွင့်ရေး ချိုးဖောက်တယ်လို့ ပြောချင်ကြတာလား။
လောကကို အနှောက်ယှက်မပေးသရွေ့
လောကကို မဖျက်စီးသရွေ့
အမှန်တရားကို သစ္စာမဖောက်သရွေ့
စစ်မှန်တဲ့ ငြိမ်းချမ်းရေးကို မျက်ကွယ်မပြုသရွေ့
ကွဲလွဲမှုတိုင်းဟာ
ခြားနားမှုတိုင်းဟာ
အနိမ့် အမြင့်တိုင်းဟာ
အရောင်သွေးစုံလင်စွာနဲ့
လောကကို အလှဆင်နေမှာပါ။
မင်း ငါ သူ မတူရှိနေတာကိုက
ပြီးပြည့်စုံတဲ့ အလှတစ်ခုပါ။
အတွေးတစ်ခုတိုင်းဟာ
အပြောတစ်ခွန်းတိုင်းဟာ
ခြေတစ်လှမ်းတိုင်းဟာ
ကမ္ဘာတစ်ခု ခြားမသွားဘူးဆိုရင်
အမြင်တွေကွဲမသွားဘူးဆိုရင်
နှစ်လုံးသားတစ်ခြမ်း ကွဲမသွားဘူးဆိုရင်
ပါးစပ်ပြည့်ရုံ ဟန်ဆောင်ပြောပြော
ရင်ထဲကပဲ ဆိုဆို
အမှန်တကယ်လိုနတဲ့ ငြိမ်းချမ်းမှုကို
မတောင်းလည်းရ တောင်းလည်းရနေမှာပါ။
လောကကိုအလှဆင်ဖို့
ငြိမ်းချမ်းမှု လူတိုင်းရင်ဖို့
အနီးဆုံးက စ,ရမယ်
တဖြေးဖြေးနဲ့ ဝေးနိုင်သမျှ ဝေးအောင်
ကျယ်နိုင်သမျှ ကျယ်အောင်ပေါ့။
ကဲ ..............
လုပ်နိုင်သမျှနဲ့ပဲ စ, ကြတာပေါ့။
                                                                  အရှင်ဥတ္တမာနန္ဒ (ပေရာဒေနိယတက္ကသိုလ်)

                                                                  Thursday, July 11, 2013

0 comments:

Post a Comment