အချိန်ရှိခိုက်၊ လုံ့လစိုက်၊ မမိုက်သင့်ပေ၊ ဒို့တစ်တွေ။

Sunday, July 14, 2013

အရှေ့ရှု အနောက်မျှော်



“အရှေ့ရှု အနောက်မျှော်”
စိန်ပန်းတွေဝေ
လှိုင်နယ်မြေက
စိန်ရတုသဘင်ခန်းမ
ရေစက်ကချိန်
မဝေးသေးတဲ့ ခပ်နွေးနွေးမှာ
ရွှေအိုရောင် အတိတ်တွေရှိခဲ့တာကို
ငါခံစားလို့သိ
ပိတိတွေ ဖြစ်မိတယ်။
သမိုင်းထဲကပုဂံ
ငါကိုယ်တိုင်ဖတ်ခွင့်
ခြေချခွင့်တွေရ
ဟိုအတိတ်က
ဒို့ဘိုးဘွားဘီဘင်
လုံ့လအားအင်
ဥာဏ်မြင်အလင်း
ပြည်သာခင်းလို့
ဘာသာပါလင်းခဲ့တယ်လို့
ဝမ်းသာပီတိ
ဂွမ်းဆီအတိလေ။
လင်းတစ်ခါ မှိန်တစ်လှည့်
လောကဓံမျိုး
လွတ်ရိုးမို့လား
ညလည်းမြဲမမှောင်
တိမ်ဖုံးလည်းမမြဲ
ထွန်းလင်းရောင်ဝါ
ရွှေရောင်ဖြာ အနာဂတ်တွေ
တို့လက်ထဲရှိတယ်လို့
တစိမ့်စိမ့်တွေးရင်း ပီတိဖြာ
အမျိုး ဘာသာ သာသနာရောင်လင်း
အားထုတ်ရင်း ကျေးဇူးဆပ်မယ်
ဘိုးဘွားတို့လမ်းပေါ်လျှောက်
လမ်းသစ်တွေဒို့ဖောက်လို့
တို့မျိုးဆက်ပေါင်းတို့လည်း
အမျိုးဖျက်ဘေး ကင်းဝေးပါစေကွယ် …………… ။
                                                                    သူ (သရက်)
                                                          Thursday, July 11, 2013
မှတ်ချက်။     ။ မြန်မာနိုင်ငံ ပြန်ရောက်ခိုက် ရန်ကုန်တက္ကသိုလ်ရောက် နေ့ရက်များနှင့် ပုဂံရောက်နေ့ရက်များအတွက် အမှတ်တရ ရေးဖွဲ့ပါသည်။

0 comments:

Post a Comment