အချိန်ရှိခိုက်၊ လုံ့လစိုက်၊ မမိုက်သင့်ပေ၊ ဒို့တစ်တွေ။

Saturday, January 12, 2013

အမှောင်တောမှ တိတ်ဆိတ်မှုပွက်သံ



အမှောင်တောမှ တိတ်ဆိတ်မှုပွက်သံ

တို့အိမ်မှာ
နေ၀င်ချိန်စောင့်
ဖြောင့်ဖြောင့်နဲ့ ခရီးဆက်လိုသူတွေရှိတယ်။
တို့အိမ်မှာ
နေထွက်ချိန်စောင့်
လောကအလှကို ကြည့်လိုသူတွေရှိတယ်။
တို့အိမ်သားတွေ
နားပူနားဆာမလုပ်တတ်
မပူစာတတ်ဘူး
တိတ်ဆိတ်မှုတွေကြီးစိုး
စိုးထိတ်မှုတွေတိုးရင်း
မှိတ်တုတ်လင်းလက်
ဟိုအဝေးက ကြယ်စင်စက်များလို
မျှော်လင့်တဲ့မျက်ဝန်းတွေရှိတယ်။
တို့ဟာ အိမ်သားတွေအတွက်
တာဝန်ရှိသူလို့ ယူဆရင်
တာဝန်ရှိသူပဲပေါ့
ဝတ္တရားရှိသူလို့ တွေးရင်
ဝတ္တရားရှိသူပေါ့
ပေးဆပ်နိုင်စွမ်းရှိသူလို့ မြင်ရင်
ပေးဆပ်နိုင်သူပေါ့
အသိတရားကလွဲရင်
တို့အိမ်အတွက်
ဘယ်သူမှ မတောင်းဆိုဘူး။
မျက်ရည်စတွေကိုသုတ်
ဝမ်းကြုတ်ကြုတ်ကိုဖြည့်ပေး
တောင်းဆိုမဲ့ လိုအပ်ချက်တွေဖြည့်တွေး
ကမ်းလင့်တဲ့လက်တွေကို တွဲပေးဖို့
လာ……အိမ်ပြန်စို့သူငယ်ချင်း။
အားငယ်စရာမရှိဘူး
ယိုယွင်းနေတာကလွဲရင်
တို့မှာ အိမ်ရှိတယ်
အပြန်အလှန်ပေးဆပ်
ရင်ချင်းအပ်လို့
ပွေ့ဖက်ရမယ့် မိသားစုတွေလည်း ရှိတယ်လေ။
                                                                အရှင်ဥတ္တမာနန္ဒ (ပေရာဒေနိယတက္ကသိုလ်)
                                                              Saturday, January 12, 2013
မှတ်ချက်။      ။ အဝေးရောက်သူများအားလုံး အိမ်ပြန်ချိန်ကို မမေ့ကြရန် အလာကောင်းသော်လည်း အခါနှောင်းမဖြစ်ကြစေရန် ရည်သန်ပါသည်။

0 comments:

Post a Comment