အချိန်ရှိခိုက်၊ လုံ့လစိုက်၊ မမိုက်သင့်ပေ၊ ဒို့တစ်တွေ။

Tuesday, July 10, 2012

ဆွေးနွေးနည်းနာ မှတ်စရာ

ဆွေးနွေးနည်းနာ မှတ်စရာ
မိလိန္ဒမင်း။      ။ တပည့်တော်နှင့် ဆွေးနွေးနိုင်ပါမည်လား အရှင်ဘုရား။
နာဂသေနမထေရ်။     ။ မင်းမြတ်…၊ ပညာရှိတို့သဘောဖြင့် ဆွေးနွေးပါလျင် ဆွေးနွေးပါမည်။ မင်းတို့၏ သဘောဖြင့် ဆွေးနွေးမည်ဆိုက မဆွေးနွေးလိုပါ။
မိလိန္ဒမင်း။      ။ ပညာရှိများဟာ ဘယ်လိုဆွေးနွေးကြပါသလဲ အရှင်ဘုရား။
နာဂသေနမထေရ်။     ။ မင်းမြတ်…….၊ ပညာရှိများ ဆွေးနွေးကြရာတွင် တစ်ဖက်သားကို စကားဖြင့်ဖမ်း၍ ချုပ်နှောင်ကြသည်။ ပြီးမှ ပြန်၍လည်းလွှတ်ပေးသည်။ တစ်ဖက်သားကို နှိမ်ချသည်လည်း ရှိသည်။ ချီးမြှောက်သည်လည်း ရှိသည်။ အကျွမ်းဝင်အောင် လုပ်သည်လည်းရှိသည်။ ပြန်လည်၍လည်း အကျွမ်းတ၀င် ရှိသည်။ ထိုသို့ပြုလုပ်သော်လည်း ပညာရှိတို့သည် စိတ်ဆိုးဒေါသထွက်ခြင်း မရှိကြ။ ဤနည်းအားဖြင့် ပညာရှိတို့ ဆွေးနွေးကြသည်။
မိလိန္ဒမင်း။      ။ မင်းများကကော ဘယ်လိုဆွေးနွေးကြပါသလဲ အရှင်ဘုရား။
နာဂသေနမထေရ်။     ။ မင်းမြတ်…..၊ မင်းတို့သည် တစ်စုံတစ်ခုသော အချက်အလက်ကို သဘောတူ အတည်ပြုထားသည်။ ထိုအချက်ကို ဖောက်ဖျက်၍ ပြန်လည်ငြင်းခုံလျင် ထိုသူကို မပြစ်ပေးကြသည်။ ဤနည်းဖြင့် မင်းတို့သည် ပြောဆိုဆွေးနွေးကြသည်။
မိလိန္ဒမင်း။      ။ တပည့်တော်သည် ပညာရှိနည်းဖြင့်သာ အရှင်ဘုရားနှင့် တိုင်ပင်ဆွေးနွေးပါမည် အရှင်ဘုရား။
နာဂသေနမထေရ်။     ။ ကောင်းပါပြီ မင်းမြတ်။
                            အရှင်ဥတ္တမာနန္ဒ (ပေရာဒေနိယတက္ကသိုလ်)
                                            Tuesday, July 10, 2012
(ခုဒ္ဒကနိကာယ်၊ မိလိန္ဒပဥှမှ ကောက်နှုတ်ဖော်ပြသည်။)
ခြွင်းချက်။       ။ လူမိုက်တို့သည် ငါ့စကားနွားရ နိုင်လျင်ပြီးရော ပြောတတ်ကြသည်။ အမှန်၊ အမှားကို လက်မခံ။ နိုင်လျင်ပြီးစတမ်း သဘောထားကြသည်။ ၄င်းကို လူမိုက်တို့ ဆွေးနွေးနည်း သို့မဟုတ် ငြင်းခုံနည်းဟု မှတ်ပါလေ။

0 comments:

Post a Comment