အချိန်ရှိခိုက်၊ လုံ့လစိုက်၊ မမိုက်သင့်ပေ၊ ဒို့တစ်တွေ။

Saturday, December 24, 2011

"အမှိုက်တောင်းလေးပြည့်နေပြီ"


“အမှိုက်တောင်းလေးပြည့်နေပြီ”

အလုပ်တွေလုပ်နေရင်း

အလုပ်မဲ့နေကြ……။
စကားတွေပြောနေရင်း
ဆွံ့အနေကြ….။
တစ်မိုးအောက်မှာဆုံဆည်းရင်း
စိတ်ဓာတ်တွေကြေမွကြ……….။
မျက်နှာချင်းဆိုင်ရင်း
ရိုင်းပင်းမှုကိုနောက်ကိုင်းနေကြ……..။
ဟားတိုက်နေရင်း
နှလုံးသွားတွေငိုကြွှေးကြ………။
ပညာတွေသင်ရင်း
အသိတွေခေါင်းပါးကြ……..။
မှန်ရှေ့ရပ်နေရင်း                            
ကိုယ့်ကိုယ်ကိုဘာမှန်းမသိကြ……။
မာနတံခါးရွက်ကိုဆွဲစေ့
ခွင့်လွှတ်ခြင်းတွေကို
အမှိုက်တောင်းထဲ
တွယ်တာမဲ့စွန့်ပစ်
အော်………လူတဲ့လား?
တလူလူနေလိုက်တာ
တစ်ယောက်တည်းနေတာတောင်
ကြပ်နေလို့
ဟိုဖက်ရွှေ့ပါဦးလုပ်နေရပြီ...။    ။
                             သူ (သရက်)
                            25 Dec 2011

Friday, December 9, 2011

နွမ်းလျအလွမ်းနဲ့ ရော်ရွက်တို့လွင့်ပါးချိန်

        နွမ်းလျအလွမ်းနဲ့
                            ရော်ရွက်တို့လွင့်ပါးချိန်
ပျော်ရာကိုစွန့်ကာ
တော်ရာကိုလွင့်လာခဲ့တာ
နွေနဲ့မိုး၊ဆောင်း
ခါခါပင်ပြောင်းပေါ့.........။
လွမ်းလောက်စရာနေ့ရက်တွေထက်
ဝမ်းမောက်ဖို့နေ့သစ်တွေကိုသာ
ဒိုင်ယာယီမှာတေးမှတ်ပြီး
အိမ်ကိုလည်းလွမ်း
ပြန်ချိန်လည်းစန်းခဲ့ပြီ။
အမေ့အိမ်ရှေ့ရောက်
ခြောက်တောက်တောက်နဲ့
ငေါင်တောင်တောင်ငါလည်းရပ်
အိမ်တံခါးလေးယဲ့ယဲ့ပွင့်လာ
တစ်သက်မမေ့နိုင်တဲ့
အမူရာတွေနဲ့
မင်းပြန်လာပြီလားတဲ့
သူစိမ်းတရံစာလိုပဲ
အိမ်ကငါ့ကိုနှုတ်ဆက်တယ်...........။
                                                                                      သူ (သရက်)
                                                                             Date; 12-10-2011 (Sat)