အချိန်ရှိခိုက်၊ လုံ့လစိုက်၊ မမိုက်သင့်ပေ၊ ဒို့တစ်တွေ။

Thursday, July 21, 2011

မနက်ဖန်ပန်းပုကို ထုဆစ်ခြင်း


မနက်ဖန်ပန်းပုကို ထုဆစ်ခြင်း
ဦးနှောက်ကခင်းတဲ့
လမ်းတွေပေါ်လျှောက်ရင်း
နှလုံးသားရဲ့
ကာရန်မညီတဲ့
တောင်းဆိုမှုတွေကို လျစ်လျူရှု့ကာ
ငါလည်း ငါ့ဝန်ကိုထမ်း
ခပ်ကြမ်းကြမ်းပဲ
ဘ၀ကိုထွင်ခဲ့ပြီ….။

Sunday, July 17, 2011

လင်္ကာရောက် မြန်မာရဟန်းတော်များအတွက် သတင်းကောင်း


၂၀၁၁-လင်္ကာတမန်မဂ္ဂဇင်း စာမူဖိတ်ခေါ်ရက်တိုးခြင်း
သီရိလင်္ကာနိုင်ငံရှိ တက္ကသိုလ်အသီးသီးတွင် ပညာသင်ကြားနေကြကုန်သော စာပေ ၀ါသနာရှင် သံဃာတော်များဘုရား-
(တတိယအကြိမ်) လင်္ကာတမန်မဂ္ဂဇင်းကို မြန်မာနိုင်ငံတွင် ထုတ်ဝေတော့မည် ဖြစ်ပါသည်။ စာမူဖိတ်ခေါ်ရက်ကို ဇူလိုင်လ(၁၆)ရက်နေ့တွင် ပိတ်ခဲ့ပြီးဖြစ်သော်လည်း စာပါပေ၀ါသနာရှင် ညီတော်/နောင်တော်များ၏ မေတ္တာရပ်ခံချက်အရ အားလုံးပါဝင် စေလိုသော ဆန္ဒမွန်ဖြင့် ဇူလိုင်လ(၂၄)ရက်နေ့အထိ တစ်ပတ်တိတိ စာမူလက်ခံရက်ကို ထပ်မံ၍တိုးလိုက်ပါသည်ဘုရား။ မိမိတို့နှစ်သလို အင်္ဂလိပ်-မြန်မာစာမူများကို စည်းကမ်း ချက်များနှင့်အညီ lankatamanmagazine@gmail.com- သို့ ပေးပို့တော်မူကြပါရန် ပန်ကြားအပ်ပါသည် ဘုရား။
မေတ္တာဖြင့်-
           အယ်ဒီတာအဖွဲ့
         လင်္ကာတမန်မဂ္ဂဇင်း     
      Sunday, July 18, 2011

Thursday, July 14, 2011

Wazo An Auspicious Month


Wazo An Auspicious Month
          Wazo is a fourth month in Myanmar calendar and it generally goes with July. It is included in the hot season as well as rainy season in Myanmar in which there has three seasons in a year; the hot season, the rainy season and the cold season. There are four months in each respective season. Wazo is not only one of the crucial months in the heart of Myanmar to perform their religious activities but for monks to be retreat.
          There are colourful religious festivals in each and every moth around the year in Myanmar. Wazo festival is held in Wazo-moth, July. Young Buddhists go on picnic into the forest nearby to pluck seasonal flowers which are to be offered to the Pagodas, Buddha Images and monks as Wazo-flowers. And all Buddhists offer especially Wazo-robe, Wazo-candle and so forth in this blissful occasion to the monks, as well.

Wednesday, July 13, 2011

လမြတ်ဝါဆို (အပိုင်း-၂)

    လမြတ်ဝါဆို
    လေးအသင်္ချေနှင့် ကမ္ဘာတစ်သိန်းထက်က ဂေါတမဘုရားအလောင်းတော်သည် ဒီပင်္ကရာ မြတ်စွာဘုရား၏ ခြေတော်ရင်းတွင် သုမေဓာရှင်ရသေ့ဘ၀ဖြင့် လက်တစ်ကမ်းတွင်ရှိနေသော မိမိအကျိုး ကိုစွန့်၍ သတ္တ၀ါတို့၏အကျိုးငှါ ဘုရားဆုကိုပန်တော်မူပြီး၊ ဘုရားဖြစ်ရန် ဗျာဒိတ်ရသောနေ့သည် ၀ါဆိုလပြည့်နေ့ဖြစ်သည်။
          သကျသာကီဝင်မင်းတို့၏အရှင် သုဒ္ဓေါဓနမင်းကြီး၏ မိဖုရားခေါင်ကြီး မာယာဒေ၀ီ၏ ၀မ်းကြာ တိုက်တွင် နောက်ဆုံးဘ၀ဖြစ်သည့် သိဒ္ဓတ္ထမင်းသားဘ၀ကို ပဋိသန္ဓေစတည်ရာနေ့သည် ၀ါဆိုလပြည့် နေ့ပင်ဖြစ်သည်။

Tuesday, July 12, 2011

လမြတ်ဝါဆို (အပိုင်း-၁)


လမြတ်ဝါဆို
          ၀ါဆိုလသည် ၁၂-ရာသီပွဲတော်များကို ကျင်းပသည့်လများထဲမှ ၀ါဆိုပွဲတော်ကို ကျင်းပသည့်လဖြစ်သည်။ မြန်မာနိုင်ငံတွင် လတိုင်းတွင် ပွဲတော်များရှိသည်။ အများစုမှာ ဘာသာရေးနှင့်သက်ဆိုင်သည့် ပွဲတော် များသာဖြစ်သည်။ ၀ါဆိုလသည် ရာသီအားဖြင့်မူ နွေရာသီနှင့် မုတ်သုန် ကာလတွင် ကျရောက်ပါသည်။ လဆန်း(၁၅)ရက်သည် နွေရာသီ၌ပါဝင်ပြီး၊ လဆုပ်(၁၅)ရက်သည် မိုးရာသီတွင် အကျုံးဝင်ပါသည်။ ၀ါဆို၊၀ါခေါင် ရေ ဖောင်ဖောင်ဟု ဆိုစမှတ်ပြုကြသည်။

Monday, July 11, 2011

Buddhists' Sabbath Day


Buddhists’ Sabbath-day
          Myanmar and Sri Lankans have the same Theravāda Buddhism. Majority people in both countries are brought up in the cradle of Theravāda Buddhism. Though we grow up in the bosom or live under the same roof of Theravāda Buddhism, there are different performing and activities on it in day to day life of respective people. Of them, Sabbath-day, Uposatha in Pāli, U-puth in Myanmar and Poya in Sri Lanka, is one of the most profound religious activities that can be seen obviously in Myanmar and Sri Lanka.

Saturday, July 9, 2011

သီတင်းသီလ စောင့်ကြသောခါ (အပိုင်း-၃)


   သီတင်းသီလ
               စောင့်ကြသောခါ

        ရန်ကုန်ကဲ့သို့သော မြို့ကြီးပြကြီးများတွင် တစ်လလေးသီတင်းလုံးရှိသော ဥပုသ်ရက်များ၌ နေ့လည်နေ့ခင်းတွင် တရားထိုင်လေ့ရှိကြသည်။ ကျောင်းတိုင်းတော့မဟုတ်ပါ။ အများစုမှာ ရိပ်သာများသာ ပြုလုပ်လေ့ရှိသည်။
          တစ်မူထူးခြားချက်အနေဖြင့် ပြောရပါမူ မြန်မာနိုင်ငံတွင် ၀ါတွင်း ကာလတွင် အလှူအတန်းများ၊ ဘုရားသွားကျောင်းတက်ကိစ္စများကို ၀ါပကာလ ထက် ပို၍လုပ်ဆောင်ကြသည်ကိုတွေ့ရသည်။ သီရိလင်္ကာသားတို့ကမူ တစ်ပုံစံ တည်းသာဖြစ်သည်။ မြန်မာတို့သည် ၀ါတွင်းကာလတွင် သံဃဒါန ဆွမ်းလောင်းအသင်းများ ဖွဲ့စည်းကာ အရုဏ်ဆွမ်းလောင်းလှူကြသည်။ သီးသန့် အလှူရှင်များကလည်း လောင်းလှူကြသည်။ အချို့များတွင်မူ အရုဏ်ဆွမ်း အတွက် သီးသန့်အလှူရှင် ရှိသည်ဖြစ်စေ မရှိသည်ဖြစ်စေ အရုဏ် ဆွမ်းလောင်း အသင်းများက တစ်နှစ်ပတ်လုံး လောင်းလှူကြပါသည်။
          မြတ်စွာဘုရားရှင်သည် မယ်တော်ဖြစ်ခဲ့ဖူးသော သန္တုဿိတ နတ်သားကို အကြီးမှူးထားကာ တစ်သောင်း သော စကြာဝဠာတိုက်မှ ဆိုက်ရောက်လာကြသည့် နတ်၊ဗြဟ္ဗာများကို ၀ါတွင်းကာလတွင် အလွန်တရာထူးကဲ မွန်မြတ်လှသည့် အဘိဓမ္မာတရာတော်ကြီးကို လူတို့ အရေတွက်အားဖြင့် ၀ါတွင်းသုံးလ ကာလပတ်လုံး ဟောကြားတော်မူကာ ကျွေးဟောင်းကို ဆပ်တော်မူ ခဲ့သည်။ ဤသည်ကိုရည်၍ မြန်မာနိုင်ရှိ တောရောမြို့တွင်ပါ ၀ါတွင်းကာလ အဘိဓမ္မာတရားပွဲများကို ဥပုသ်နေ့တိုင်းတွင် ချိမ့်ချိမ့်သဲကျင်းပကြသည်။ အချို့အရပ်များတွင်မူ ၀ါတွင်းသုံးလ ရက်ပေါင်း ကိုးဆယ်လုံးလုံး ရက်မပျက် အဘိဓမ္မာတရားပွဲများကို ကျင့်ပကြသည်။ ထိုထိုတရားပွဲများတွင် ရဟန်းတော် များ တရားဟောသကဲ့သို့ လူပုဂ္ဂိုလ်အချို့လည်း ဟောပြောကြပါသည်။

Friday, July 8, 2011

သီတင်းသီလ စောင့်ကြသောခါ (အပိုင်း-၂)


သီတင်းသီလ စောင့်ကြသောခါ
             မြန်မာနိုင်ငံတွင် ဥပုသ်ယူခြင်း သို့မဟုတ် သီလဆောက်တည်ခြင်းကို တောနှင့်မြို့အရပ်များမတူ အနည်းငယ်ကွဲပြားသည်ကိုတွေ့ရသည်။ တစ်လလျှင် လေးသီတင်း၊ လဆန်း ၈-ရက်၊ လပြည့်နေ့၊ လဆုပ် ၈-ရက်နှင့် လကွယ်နေ့များတွင် ဥပုသ်စောင့်သည့် ရက်များကတော့ တစ်နိုင်ငံလုံးတူသည်။
          ဥပုသ်နေ့မတိုင်ခင် တစ်ရက်အလိုနေ့ကို အဖိတ်နေ့ဟု ခေါ်သည်။ အချို့သောမြို့နေလူများက ထိုအဖိတ်နေ့မတိုင်ခင် တစ်ရက် ကိုပင် တောအဖိတ်ဟုသုံးပြီး၊ ဥပုသ်နေ့မတိုင်ခင် တစ်ရက်ကိုမူ မြို့ဖိတ် ဟုခေါ်ကြသည်။ စာရေးသူသိရသလောက်မူ တောအရပ်များတွင်လည်း ဥပုသ်နေ့မတိုင်ခင် တစ်ရက်ကိုသာ အဖိတ်ဟုသုံးပြီး၊ ထိုမတိုင်ခင် တစ်ရက်ကို အဖိတ်လို့သုံးသည်ကို မတွေ့ဘူး၊ မကြားဘူးပါ။

Thursday, July 7, 2011

သီတင်းသီလ စောင့်ကြသောခါ (အပိုင်း-၁)



သီတင်းသီလ စောင့်ကြသောခါ

          **********
မြန်မာတို့သည် ဥပုသ်စောင့်-ဟူသော စကားလုံးကို ငယ်စဉ်ကပင် အကျွမ်းတ၀င်ရှိပြီးဖြစ်သည်။ ဥပုသ်သည် ဥပေါသထဟူသော ပါဠိစကားလုံးမှ ဆင်းသက်လာသည့် ပါဠိသက်မြန်မာစကားလုံးဖြစ်သည်။ ဥပနှင့်ဝသထ နှစ်လုံးကို ပေါင်းစပ်ထားခြင်းဖြစ်ပြီး၊ ဥပ=အကျင့်ကောင်းများဖြင့်ပြည့်စုံ၍ ၀သထ= နေထိုင်ခြင်း-ဟု အဓိပ္ပါယ်ရပါသည်။
ဥပုသ်စောင့်သုံးခြင်း သို့မဟုတ် သီလဆောက်တည်ခြင်း ကို ဘုရားမပွင့်မှီကတည်းကပင် ကျင့်သုံးခဲ့ကြကြောင်း ဇာတ်တော်များအလိုရ သိရသည်။ ဘုရားလောင်း ဖြစ်စဉ် ဘ၀များတွင် ဥပုသ်သီလစောင့်သုံးခြင်းကို ပါရမီတစ်ပါး အနေဖြင့် ဖြည့်ဆည်းတော်မူခဲ့ကြောင်း ဇာတ်တော်အများပြား တွင် တွေ့နိုင်သည်။

Wednesday, July 6, 2011

ရွှေအိုရောင်သစ္စာ


ရွှေအိုရောင်သစ္စာ

ငါဟာ
အတိတ်မှာ ရွှေထီးဆောင်းခဲ့တာကို
စားမြုံ့ပြန်နေတတ်သူမဟုတ်
ဒါပေမဲ့
ဒီနေ့ ယိုယွင်းနေတဲ့
မင်းရဲ့အပြုမူတွေကို
ဖာထေးဖို့
အတိတ်က မင်းကောင်းခဲ့တာတွေကိုပဲ
သတိရနေမှာပါ….။

Tuesday, July 5, 2011

ဝန်နှင့်ဂုဏ် အပိုင်း (၂)


ဝန်နှင့်ဂုဏ်
**********
အထက်ပါရှုထောင့်မျိုးသည် သဒ္ဓါတရားဘက်ကနေ ရှုမြင်ရမည့်အမြင်ဖြစ်သည်။ ပညာဖြင့် ဝေဖန်ရမည့်အရာမဟုတ်။ ထိုကဲ့သို့သော ဖြစ်ရပ်ဆန်းကို ကြားသိရသည့် စာပေကိုမတတ်ကျွမ်းသည့် ဗုဒ္ဓဘာသာဝင်များအတွက် သဒ္ဓါတရားကိုတိုးပွားစေနိုင်သည်။ ဖြစ်နိုင်ချေရှိသည်ဖြစ်စေ မရှိသည်ဖြစ်စေ ထိုဖြစ်ရပ်ကြောင့် မည်သူမျှ အကျိုးမဲ့မဖြစ်ပါ။ ထို့အတူ ဗုဒ္ဓ၀င်တို့လိုကျမ်းမျိုးတို့ကိုလည်း ထိုသို့ပင် သဒ္ဓါတရားရှုထောင့် သာမန်လူတို့ရှုထောင့်ဖြင့်သာ ရှုမြင်သင့်ပြီး သာသနာတော်ကို အကြည်ညိုတိုးဖို့ရာ ကျမ်းမျိုးဖြစ်၍ မည်သူမဆိုရေးနိုင်၍ အပြစ်မမြင်သင့်ကြောင်း ပြောပြလေသည်။
ထိုပြင် ၀ိသုဒ္ဓိမဂ်စသော ကျမ်းစာများကို ပညာရှင်ရှုထောင့်ကနေ ကြည့်လိုက်ပြန်လျှင်လည်း ဘာမျှအပြစ်ပြောစရာမမြင်။ အကြောင်းရာခိုင်လုံသည်။ အမြင်စူးစူးရှရှဖြင့်ရေးသားထားသည်။ အထောက်ထားခိုင်လုံသည်။ ယနေ့ခေတ်တွင် အရှေ့အနောက်နိုင်ငံများတွင် ခေတ်စားနေသည့် သုတေသနကျမ်းရေးနည်းများ မပေါ်ခင်က ၄င်းဝိသုဒ္ဓိမဂ်ကျမ်းတွင် သုတေသနသဘောတရားများ နည်းစနစ်များ အပြည့်အစုံပါဝင်နေသည်။ အစအဆုံး ကွင်းဆက်မိမိနှင့် ထိထိမိမိရှိလှသည့် အရေးသားမျိုးကို တွေ့ရမည်ဖြစ်ကြောင်း၊ ဤသည်မှာ ပညာရှုထောင့်ကနေ ရှုမြင်ရမည့်အချက်ဖြစ်ကြောင်း ဆက်လက်ပြောဆိုသွားသည်။ သမိုင်းကြောင်းတစ်ခုသည်သာ အံ့သြဘနန်းဖြစ်ရပ်အဖြစ် မှတ်တမ်းတွင်ရှိနေခြင်းဖြစ်သည်။ မဖြစ်နိုင်ပါဟုလည်း မည်သူမျှ အတိကျမပြောနိုင်ပါ။

Monday, July 4, 2011

ဝန်နှင့်ဂုဏ် အပိုင်း (၁)


ဝန်နှင့်ဂုဏ်
          ယနေ့ကမ္ဘာတွင် နယ်ပယ်အသီးသီးမှ လူတန်းစားအလွှာစုံတို့သည် ဗုဒ္ဓဘာသာကို ရှုထောင့်အမျိုးမျိုးဖြင့် လေ့လာနေကြသည်၊ လိုက်စားနေကြသည်။ ထိုသူတို့၏ လိုအပ်ချက်အဖုံဖုံကို ဖြည့်ဆည်းပေးမည့် ဗုဒ္ဓဘာသာဆိုင်ရာ စာပေများလည်း တဖြေးဖြေးနှင့် ကျယ်ပြန့်လာသည်။ အရောင်သွေးစုံလာသည်။
          ခရစ်ယာန်သာသနာပြုများက ကမ္ဘာတစ်လွှားရှိ ဒေသခံများကို သာသနာပြုရာမှစတင်ကာ အနောက်တိုင်းသားတို့သည် ဗုဒ္ဓဘာသာကို စိတ်ဝင်စားခဲ့သည်။ ၁၉-ရာစုအလယ်ခေတ်လောက်တွင် အနောက်တိုင်း ပညာရှင်တစ်စုတို့သည် ဗုဒ္ဓဘာသာဂိုဏ်းအသီးသီးတို့၏ မြုပ်ကွယ်နေသည့် ရှေးဟောင်းကျမ်းစာများကို ရှာဖွေတွေ့ရှိခဲ့ကြသည်။
          အဆိုပါရှာဖွေတွေ့ရှိချက်ကြောင့် သူတို့၏မူရင်းယုံကြည်ချက်နဲ့ ပတ်သက်ပြီး နူတ်ဆိတ်နေခဲ့ကြသည်။ သို့ရာတွင် တွေ့ရှိထားသောကျမ်းများအပြင်၊ အရှေ့တိုင်းသားတို့၏ လက်ရေးမူများကို စုစည်းကာ ပညာရှင်များဖြစ်သည့်အလျှောက် ဘာသာပြန်ဆိုခြင်း၊ လေ့လာခြင်း၊ တည်းဖြတ်ခြင်းစသည်တို့ကို ပြုလုပ်ခဲ့ကြသည်။  အကျိုးဆက်တစ်ခုအနေဖြင့် အနောက်တိုင်းတက္ကသိုလ်များတွင် ဗုဒ္ဓဘာသာဆိုင်ရာလေ့လာရေးဋ္ဌာနများ ပေါ်ပေါက်လာခဲ့ပြီး အနောက်တိုင်းသားများရေးသည့် ဗုဒ္ဓဘာသာဆိုင်ရာစာပေများလည်း ပလူပျံလာ၊ အရောက်အသွေးစုံလာတေ့ာသည်။
*****

Sunday, July 3, 2011

စံမှီမေတ္တာ အပိုင်း (၂)


“စံမှီမေတ္တာ”
              လူပေါင်းများစွာတို့၏အာရုံတွင် ဘုရားရှင်နှင့် သံဃာတော်များကိုသာမက ဘုရားရှေ့မှောက်တွင် ၀မ်းလျားထိုးကာ တံတားခင်းနေသည့် ရသေ့ငယ်ကိုလည်း သတိမပြုပဲ မနေနိုင်လောက်ကိုပင် ဖြစ်ခဲ့ကြပြီ။ ထို့အတူ မိမိတို့မြို့တွင် အချောဆုံးလည်းဖြစ် မည်သူမေတ္တာပန်းကိုမျှ မပန်ဆင်၊ မိမိကို တောင်းရမ်းလာသူမှန်သမျှကိုလည်း ယဉ်ယဉ်ကျေးကျေး ခေါင်းခါခဲ့သည့်   နာမည်ကြီးသူဋ္ဌေးသမီး သုမိတ္တာ၏ ထူးဆန်းလှသည့် အမူရာကိုပါ သတိထားမိစေတော့သည်။
     သုမိတ္တာကတော့ ရသေ့လေးကလွဲရင် ကျန်တာကိုသိပ်သတိမထားမိပြန်တော့။ အညို့ခံထားရသည့်သူပမာ ရသေ့လေးမျက်နှာမူရာကိုသာ လိုက်ကြည့်နေမိတော့သည်။ တစ်ဖန် မိမိလက်ထဲမှာကိုင်ထားသည့် ကြာရှစ်ပွင့်ကိုကြည့်ရင်း ဝေခွဲမရဖြစ်နေသည်။ မိမိအကြည့်တွေသည် ဘုရားရှင်မျက်နှာ ရသေ့လေးမျက်နှာ ပြီးတော့ကြာပန်းများ ကူးချည်သန်းချည်။ ရင်တွင်းမှာလည်း ဘယ်သူ့ကိုဘယ်လောက်လှူရမလဲ…..။ ဒီလောက်လွယ်ကူနေတာကို သူမမှာရှုပ်နေသည်။ ပန်းရှစ်ပွင့်ပဲ။ လေးပွင့်စီခွဲလှူလိုက်ရင် ပြီးရောပေါ့….။

Saturday, July 2, 2011

စံမှီမေတ္တာ အပိုင်း (၁)


“စံမှီမေတ္တာ”
          ငယ်စဉ်တောင်ကျေး ကလေးဘ၀ စာဖတ်တတ်သည့်အချိန်မှစတင်ကာ စာတိုပေစများကို ဖတ်ရှုလေ့လာခဲ့မိသည်။ အစကတော့ စာအုပ်တွင်ပါသည့် အရုပ်လှလှလေးတွေကို ဦးတမ်းကစားရာကနေ စာအုပ်တွေကို ယဉ်ပါးခဲ့ပြီး စာပေကိုချစ်တတ်လာခဲ့သည်ဟုဆိုကလည်း မမှားပေ။
          ကလေးသဘာဝအလျောက် စွန့်စားသူတို့အကြောင်းတွေကို ပို၍သဘောကျသည်။ အဖိုးအဖွားတို့ကို ပုံပြင်ပြောခိုင်လျှင်တောင်မှ စွန့်စားခန်းပါတာတွေကိုပဲ ပြောခိုင်းဖြစ်တာများသည်။ တစ်နည်းဆိုရသော် သူရဲကောင်းဆိုသည့် အများအားကျ လေးစားကြသူတို့အကြောင်း အများသူငါလိုပင် ကြားချင်သိချင်မိတာလည်း မဆန်းပေ။
          တောအရပ်မှာ ကြီးပြင်းခဲ့ရသည်မို့ စာအုပ်က ရှားရှားပါးပါး။ ကြည့်ပြီးသားစာအုပ်များကိုပင် ဖန်တစ်ရာတေအောင် ပြန်ကြည့်နေရသည်။ ထိုနောက်တွင် ရွာဦးဘုန်းကြီးကျောင်းတွင်ရှိသည့် စာအုပ်များကို ဖတ်ရှုခွင့်ရလာသည်။ ပုံတော်စုံ ဓမ္မပဒတို့၊ ဗုဒ္ဓ၀င်စာအုပ်တို့ကတော့ စာရေးသူတို့အသည်းစွဲပင်။ သူတို့က အရုပ်တွေ ပါတယ်လေ။

Friday, July 1, 2011

အကြောင်းဆက်လို့ ပေါင်းဖက်ရသော် ရွှင်ပျော်ပျော်


“အကြောင်းဆက်လို့ ပေါင်းဖက်ရသော် ရွှင်ပျော်ပျော်”
(မြန်မာပြည်တွင် ထုတ်ဝေလျှက်ရှိသည့် စာရေးသူ၏ စာအုပ်များကို အင်တိုက်အားတိုက် အကူညီပေးနေသည့် ဒကာလေး၏ မင်္ဂလာပွဲအတွက် ရေးသားပေးပို့ခဲ့သော မင်္ဂလာဦးလက်ဆောင် ဖြစ်ပါသည်။)
မင်္ဂလာပါ! ဒကာလေးနဲ့ ဒကာမလေး
တွေ့တဲ့အခါတိုင်း မင်္ဂလာပါလို့နှုတ်ဆက်နေကျနော်။ အင်း….အခုတော့ တကယ်ကိုမင်္ဂလာရှိသွားပြီပေါ့လေ။ မနက်စောစောမှာ ဒီမင်္ဂလာဖိတ်စာလေးကိုဖတ်ရတာကိုက တကယ့်ကို မင်္ဂလာရှိသွားပါတယ်။ ဦးဇင်းလည်းစာမေးပွဲကာလမို့ အလုပ်တွေမအားလပ်နိူင်ဖြစ်နေပါတယ်။ တစ်ပြိုင်တည်းမှာပဲ MA-ဘွဲ့အတွက် ကျမ်းတင်ဖို့ပါလုပ်နေရတော့ ပိုပန်ပမ်းတာပေါ့လေ။ ဘာပဲဖြစ်ဖြစ် မင်္ဂလာဦးလက်ဆောင်အနေနဲ့ ဓမ္မစကားအချို့ လက်ဆောင်အဖြစ်ပါးလိုက်ပါတယ်
လောကလူတွေဟာ အချိန်တန်အရွယ်ရောက်လာလို့ရှိရင် အိမ်ထောင်ပြုကြရတာ ဓမ္မတာပါပဲလေ။ မဆန်းလှပါဘူး။ ဆန်းတာက တစ်ယောက်နဲ့တစ်ယောက် ဘ၀ကိုပုံပေးလက်ထပ်ပြီးကာမှ ကွဲကွာကြရတာကမှ ဆန်းတာပါ။ လိုလျှင်ကြံဆ နည်းလမ်းရဆိုတဲ့အတိုင်း တစ်နည်းအားဖြင့်ပြောရရင် “Prevention is better than cure.= ကာကွယ်ခြင်းက ကုသခြင်းထက်ကောင်းတယ်”မလား။ အဲလိုမကောင်းတဲ့ အမင်္ဂလာတွေ မရောက်လာနိူင်တဲ့နည်းလမ်းလေးခုကို လွန်ခဲ့တဲ့နှစ်ပေါင်း ၂၅၀၀-ကျော်ကတည်းတ ဘုရားရှင်ကပြောခဲ့ပြီးသားပါလေ။ အဲဒါကို အိမ်ထောင်ရှင်အမျိုးသားအမျိုးသမီးတို့ ဘ၀တစ်လျှောက်လုံး လိုက်ကိုင်ထားပြီး ကျင့်သုံးလိုက်နာရမည့် အမှန်တကယ်အစွမ်းရှိတဲ့ အဆောင်လက်ဖွဲ့အနေနဲ့ ဘ၀တစ်လျှောက်လုံး ကျင့်ဆောင်နိူင်ပါစေလို့ ဆန္ဒပြုလိုက်ပါတယ်။