အချိန်ရှိခိုက်၊ လုံ့လစိုက်၊ မမိုက်သင့်ပေ၊ ဒို့တစ်တွေ။

Wednesday, March 30, 2011

မြန်မာရဟန်းတော်တို့၏ ဒုတိယရင်ခွင် (သို့) ကေလနိယတက္ကသိုလ်


မြန်မာရဟန်းတော်တို့၏ဒုတိယရင်ခွင်
(သို့)
ကေလနိယတက္ကသိုလ်

          သီရိလင်္ကာနိူင်ငံသည် ဗုဒ္ဓစာပေကို ခေတ်မှီနည်းစနစ်များ၊ ဘာသာရပ်များဖြင့် သင်ကြားလေ့လာခဲ့ စောစီးစွာမိတ်ဆက်ခဲ့သော နိူင်ငံတစ်ခုဖြစ်ရုံမျှမက ဗုဒ္ဓဘာသာကို ကမ္ဘာမျက်နှာစာရှေ့သို့ ကျယ်ကျယ်ပြန့်ပြန့်ချပြနိူင်သော ထေရ၀ါဒထိပ်တန်းရောက်သည့် နိူင်ငံလည်းဖြစ်ပါသည်။ သီရိလင်္ကာသားတို့၏ နေ့စဉ်လူမှုဘ၀နှင့် အတွေးခေါ်များ၊ လုပ်ငန်းဆောင်တာများ၊ ပညာရေးများသည် ဘာသာရေးအပေါ်တွင် အပြည့်အ၀နီးပါး အမှီသဟဲပြုထားသည်ကို တွေ့ရသည်။

          ကမ္ဘာ့အဆင့်မှီ စာကြည့်တိုက်ကြီးများနှင့် စာအုပ်စာနယ်ဇင်းထုတ်ဝေရေးဌာများရှိပြီး ဗုဒ္ဓဘာသာနှင့်ပတ်သက်သော စာပေမျိုးစုံကိုလည်း လွယ်လင့်တကူ ဖတ်ရှုလေ့လာနိူင်၊ရရှိနိုင်ပါသည်။ နိူင်ငံတ၀ှမ်းလုံးရှိ တက္ကသိုလ်တိုင်းတွင် ဗုဒ္ဓဘာသာလေ့လာရေးဌာနများကို ဖွင့်လှစ်ထားသည်။ သို့ရာတွင် မြန်မာရဟန်းတော်များမှာ Buddhist and Pali University of Sri Lanka (BPU), University of Kelaniya၊ ယင်း၏အခွဲဖြစ်သော Post Graduate Institute of Pali and Buddhist Studies (PGIPBS)နှင့် University of Peradenia တို့တွင်သာ တက်ရောက်ကြပါသည်။

Tuesday, March 29, 2011

အဖိုးတန်သော အပိုင်းစလေးများ


                               အဖိုးတန်သော
                                   အပိုင်းစလေးများ
    
လုပ်ငန်းတစ်ခုလုပ်ပြီဆိုတာနဲ့ စေ့စပ်သေချာဖို့လိုသည်။ ဒီအတွက်ချွင်းချက်မရှိပေ။ ဘယ်နေရာရောက်ရောက် ဘာကိုပဲလုပ်လုပ် မဖြစ်မနေ ဂရုစိုက်ရမည့်အချက်ဖြစ်သည်။ သို့မဟုတ်ပါက နောက်ဆက်တွဲပြဿနာမှာ မကြီးမားစေကာမူ စိတ်မှာအတော်ပင် အနှောက်အယှက်ဖြစ်ရသည်။ အတွေ့ကြုံကပေးသည့် အဖိုးမဖြတ်နိူင်သောသင်္ခန်းစာဆိုသည်မှာ ပေးဆပ်ရမည့်တန်ဖိုးကလည်း နင့်နေအောင်ဖြစ်တတ်သည်။
မိမိအပါဝင် လူအတော်များများကတော့ ကိုယ်တိုင်မကြုံရသေးလျှင် လက်ခံသော်လည်း အမှန်တကယ်အလေးမထားတတ်ပါ။ ထိုအတွက် ပေးဆပ်ရသောတန်ဖိုးက အဆမတန်ကြီးသွားတတ်ပါသည်။ နိူင်ငံရပ်ခြားရောက်နေသူတို့ ပိုပြီးသတိပြုရသည်။ ချလန်စာရွက်ငယ်လေးကို ပေါ့ပေါ့ဆဆထားမိလို့ ငွေကြေးတွေအများကြီး နစ်နာရသည်။ မှန်သော်လည်း အထောက်ထားမရှိတော့ စောဒက (Complain) တက်လည်း အချည်းနှီးပင်။ ပိုဆိုးသည်က စည်းကမ်းရှိသူတို့ကြားတွင် နမော်နမဲ့နိူင်လှသော ကိုယ်အဖြစ်က အတော်ကို ရှက်စရာကောင်းနေသည်။
“Experience is the best teacher” အတွေ့ကြုံက အကောင်းဆုံးဆရာပါတဲ့။ သို့ရာတွင် ဥာဏ်ရှိသူများကတော့ တခြားသူများ၏အမှား သို့မဟုတ် သူတစ်ပါးတွေရဲ့ အတွေ့ကြုံကနေ သင်္ခန်းစာယူတတ်စမြဲဖြစ်သည်။ “တစ်ခါသေဘူး ပျဉ်ဖိုးနားလည်”ဟုလည်း မြန်မာစကားပုံရှိသည်။ ဤစကားကလည်း တစ်ထွာပြလို့ တစ်လံမြင်ဖို့ဝေးစွ ပြတဲ့တစ်ထွာကိုပင် မရေရာတဲ့လူမျိုးကို ဖော်ညွှန်းရာရောက်သည်။

Monday, March 28, 2011

A Reflected Glory


A Reflected Glory
          It is a nature that a person who has lack of ability to rely on himself prefers to express that his parents are rich, powerful or he came from a high family of such and such in society whilst he hates to mention that his life is negative of face downing situation or down-trodden circumstance. Such a one is useless to not only himself, but for his respective environment as if a thorn which impales into the body. Instead of declaring what is my father or something like this, one should try to say bravely as well as proudly what am I? It is clear that he is not his father, yet he himself. For the time being, there is a exception that one in most cases has to depend on others due to complex being of a man since he was born.

Sunday, March 27, 2011

သူတို့လျှောက်သောလမ်း


"သူတို့လျှောက်သောလမ်း"
-------@------

          “အင်္ဂုလိမာလ”ဟုဆိုလိုက်လျှင် နှစ်ဖက်ရထင်ရှားသော ပုဂ္ဂိုလ်ထူးကို တန်းနေအောင် မြင်ပြီးသားဖြစ်သည်။ သူ့ဘ၀တစ်လျှောက်လုံးတွင် အကောင်း,အဆိုးနှစ်မျိုးဖြင့် လျှမ်းလျှမ်းတောက်ထင်ရှား၍ ဗုဒ္ဓဘာသာဝင်တိုင်းလိုလိုပင် သူ့အား ရင်းရင်းနှီးနှီးသိကြသည်။ ထူးထူးဆန်းဆန်းလည်းဖြစ်၏။ လူတစ်ယောက်ကို သတ်ပြီးလျှင် လက်ညိုးတစ်ချောင်းကိုသာ ဖြတ်သူပါ။ ဤနည်းဖြင့် လက်ညိုးပေါင်းတစ်ထောင်ပြည့်အောင် လူပေါင်း တစ်ထောင်စေ့အောင် သတ်ဖြတ်ဖို့ ကြိုးစားခဲ့သူလည်းဖြစ်သည်။
          သူနှင့်ပတ်သက်၍ စဉ်းစားမရသောအချက်တစ်ခုမှာ လူတိုင်းတွင် လက်ညိုးနှစ်ချောင်း ရှိသော်လည်း ဘာကြောင့်တစ်ချောင်းတည်းကိုဖြတ်ရသလဲ? တစ်ယောက်တစ်ချောင်းကျ ဖြတ်တယ်ဆိုပါကလည်း ဘာအတွက်လူကို သတ်ရတာလဲ? အန္တရာယ်ကင်းအောင် သတ်ရသည်ဟု ဆင်ခြေပေးပါကလည်း ဖြစ်နိူင်ခြေနည်းလှသည်။ အကြောင်းမူ သူ့နာမည်ကိုကြားရုံနဲ့ လူတွေက ကြောက်နေရသည်မဟုတ်ပါလား?
          အသိတရားခေါင်းပါးသူအဖြစ် သတ်မှတ်ကြည့်ရပါမူ အတော်ကိုဖြစ်နိူင်ချေရှိပါသည်။ ဤသို့မှတ်ယူမည်ဆိုပါကလည်း အသိဥာဏ်နှင့် မှတ်ဥာဏ် (သို့)  ဥာဏ်ထက်မြက်ခြင်းသည် ဘာမှမဆိုင်သလိုဖြစ်နေပြန်သည်။ သူ၏ဖြစ်စဉ်အချို့ကို သုံးသပ်ကြည့်ရပါမူ အင်္ဂုလိမာလသည် အလွန်ပင် ဥာဏ်ကောင်းသော ထက်မြက်သည့်ကျောင်းသားတစ်ယောက် ဖြစ်ခဲ့သည်ကိုတွေ့ရပေလိမ့်မည်။ ဆရာသမား အသိုင်းအ၀ိုင်း၏ မျက်နှာသာပေးခြင်းကိုလည်း ခံရသူဖြစ်သည်။ သည်အကြောင်းတွေကပင် အတန်းတူတက္ကသိုလ်ကျောင်းသား အများစု၏ မလိုမုန်းထားခြင်းကို ခံရသည်။ အကျိုးဆက်ကတော့ အားလုံးသိကြပြီးဖြစ်သည့်အတိုင်း တစ်ကိုယ်တော် တောပုံးဓားပြတစ်ဦးဖြစ်လာခဲ့သည်။

Wednesday, March 23, 2011

ဘုံဘ၀ ကြုံရတယ်လေ


ဘုံဘ၀ ကြုံရတယ်လေ

          သီရိလင်္ကာမှာနေနေစဉ် အခိုက်တန့်လေးအတွင်း ဒေသခံကျောင်းတွေမှာနေသင့်ကြောင်း၊ ဒါမှ သူတို့လူမျိုးတွေရဲ့ ဓလေ့ထုံးစံ၊ယဉ်ကျေးမှုနှင့် စရိုက်သဘာဝတွေကို အနည်းကပ်လေ့လာခွင့်ရမည်ဖြစ်ကြောင်း၊ သီရိလင်္ကာသို့ အရင်ရောက်နှင့်နေသော သူငယ်ချင်းတစ်ပါးက အကြံပေးတိုက်တွန်းသောကြောင့်  မြန်မာကျောင်းတွင် တစ်လခန့်နေပြီး၊ ဆိုင်းဆင့်ဗုံဆင့်ကာပင် ဒေသခံဘုန်းကြီးကျောင်းကိုရောက်ခဲ့ရတော့သည်။ မိမိအဖို့တော့ တစ်ချက်ခုတ် သုံးချက်ပြတ်ဆိုသလိုပင်။ အနေအစားလည်းမပူရ၊ ဒေသခံတို့၏ ယဉ်ကျေးမှုထုံးတမ်းစဉ်လာ အခမ်းနားအမျိုးမျိုးလည်း လေ့လာခွင့်ရနှင့် ငွေကြေးကုန်ကျစရိတ်ကိုလည်း အတော်အသင့် ချွေတာနိူင်သောကြောင့်ဖြစ်ပါသည်။ သူငယ်ချင်း၏ မဟာကျေးဇူးပင်။

Wednesday, March 16, 2011

အိပ်မက်ထဲက ကျွန်းသီဟိုဠ်


                                အိပ်မက်ထဲက ကျွန်းသီဟိုဠ်
        လူအမျိုးမျိုး စိတ်အထွေထွေရှိကြသည်။ ထိုကြောင့် ရည်ရွယ်ချက်တွေလည်း မတူနှိင်တာလည်း အဆန်းကြီးတော့မဟုတ်ပါ။ လူတစ်ကိုယ်စိတ်တစ်မျိုး ရည်မှန်းချက်တွေ အမျိုးမျိုးဖြင့် ဘ၀တက်လမ်းကို ကျားကုတ်ကျားခဲရှာနေကြသော လူငယ်တွေကို နေရာအနှံ့ တွေ့မြင်ကြားသိနေရသည်။ လူငယ်တွေသာမက လူကြီးများလည်း ကြိုးစားနေရသေးသည်။ သုံးနှစ်အရွယ်ကလေးငယ်များလည်း မုံ့ထုပ်တစ်ဖက် စာအုပ်ထည့်တဲ့ကျောပိုးအိပ်တစ်ဖက်ဖြင့် မူကြိုကျောင်းကိုသွားနေကြရပြီ။
          နည်းပညာတွေ၊ ဘာဘာညာညာလော်ဂျီတွေ အစွန်းရောက်တိုးတက်လာသော ယနေ့ကမ္ဘာကြီးက ကြီးငယ်မရွေးပဲ လူ့အသိုင်းဝန်းကြီးတစ်ခုလုံးကို အမိရင်ခွင်ကနေ ဘ၀ကျောင်းတော်အရောက် ဇွတ်အတင်းပင်ဆွဲသွင်းနေသည်။ ဤသို့ဖြင့် နှစ်ဆယ့်တစ်ရာစုကမ္ဘာကြီးသည် ပိုပြီးတော့အသက်ဝင်လာသည်။ ပညာဆန်လာသည်။ ကမ္ဘာကြီးကား ရွာအဆင့်သာရှိတော့၏။ သ်ိမ်ငယ်စရာတော့မဟုတ်ပါ။ ပန်းချီကျော်တို့၏ စုတ်ချက်အောက်က လက်ရာမြောက်လှသော ပန်းချီကားတစ်ချပ်သာ။
          အရှိန်အဟုန်ပြင်းစွာ စီးဆင်းနေသော ကမ္ဘာ့ရေဆီးကြောင်းအောက်ဝယ် တိုက်ရိုက်မပါခဲ့ဘူးဆိုယင်တောင် အဖျားခတ်တော့မ်ိသည်သာဖြစ်၏။ ကမ္ဘာစွန်းရောက်နေ ချောင်ကြနေသောရွာငယ်တွေလည်း ပညာ… ပညာ..ဟု အော်ဟစ်ညည်းညူယင်း ကမ္ဘာ့အလယ်ကို ရောက်လာတော့သည်။
                                      *********************

Saturday, March 12, 2011

သံစဉ်မဲ့ရှိုက်သံ


      သံစဉ်မဲ့ရှိုက်သံ
ယိုင်နဲ့နဲ့မနေ့ကသူဟာ
  ခပ်ယဲ့ယဲ့ဒီနေ့ငါ့ကို မွေးဖွားပေးခဲ့ပေါ့
    ဝေဒနာတွေကြားက ဒီနေ့ငါဟာ
      နွမ်းလျလျစက္ကန့်တွေကို ရေစင်သွန်းယင်း
        မနက်ဖန်သူ့ကိုမွေးဖွားဖို့
          သန္ဓေတည်နေလိုက်တယ်
            အနာဂတ် ငါမဟုတ်တဲ့ငါဟာ
              ကာရန်မဲ့ လှတန်ကောင်းပါရဲ့လေ……။
                                               သူ (သရက်)
                                 Sunday, March 13, 2011

အစဉ်အလာတစ်ခုကို ချဉ်းကပ်ခြင်း


အစဉ်အလာတစ်ခုကို ချဉ်းကပ်ခြင်း (၁)

တနေ့တွင် စာရေးသူထိုင်ရာနှင့် သိပ်မဝေးလှသည့် ဒေသခံကျောင်းတစ်ကျောင်းမှလာပင့်သော မင်္ဂလာဆွမ်းစားကိုကြွခဲ့ရသည်။ တရားဟောဆရာတော် ဘာတွေဟောပြောညွှန်ပြတယ်ဆိုတာကို ကောင်းစွာမသိသော်လည်း သိင်္ဂါလောဝါဒသုတ်ပါ ဆုံးမလမ်းညွှန်ချက်များဖြင့် ဟောကြားသည်ကိုတော့ ကောင်းစွာ နားလည်ပါသည်။
ဘုရားရှင် နှစ်ပေါင်းနှစ်ထောင်ငါးရာကျော်က ညွှန်ပြခဲ့သော ရှောင်ကြဉ်ဖွယ် လိုက်နာဖွယ် နည်းအသွယ်သွယ်တို့သည် လူမှုအသိုင်းဝိုင်းတစ်ခုကို တည်ထောင်ရာတွင် ယနေ့တိုင်အောင် အသက်ဝင်နေဆဲဖြစ်ပါသည်။ ညွှန်ကြားချက်ဆိုသည်မှာ လိုက်နာဖို့ရာ ကျင့်သုံးဖို့ရာအတွက်ဖြစ်ပါသည်။ ကျင့်သုံးသည့်အလျောက် အကျိုးရှိမည်သာ။

Tuesday, March 1, 2011

စိတ်ခရီး



စိတ်ခရီး
ဆောင်းကုန်နွေဦး
သည်ခါထူးဝယ် 
ရင်ဝယ်မောလျ
တမ်းတဘယ်မရွှင်
မကြင်ဘယ်စိမ်း
သူမတိမ်းမင့်…..။
လေ့လင့်ရွက်ကြွေ
ငှက်တေလေမဟုတ်
သိဥာဏ်စေရာ
တော်ရာနေငြား
လူသားပေမို့
ဆွေးတမုံ့…။
ဒို့ရပ်တိုင်းပြည်
မိမြန်ပြည်သည်

တတိုင်းမွှေး (သို့) ဗုဒ္ဓတက္ကသိုလ်


“တတိုင်းမွှေး”
သို့
ဗုဒ္ဓတက္ကသိုလ်
အဟောင်း…
မကောင်းဘူးလို့ သူမဆို။
အသစ်…
အပြစ်လို့လည်း သူမမြင်။
အဟောင်း အသစ်ကို
ဟန်ချက်ညီညီ ပေါင်းစပ်ကာ
မဇ္ဈိမလမ်းကို သူမြန်းမ(မည်)တဲ့။