အချိန်ရှိခိုက်၊ လုံ့လစိုက်၊ မမိုက်သင့်ပေ၊ ဒို့တစ်တွေ။

Wednesday, December 22, 2010

          "သူငယ်ချင်း"
 လောကဓံလှိုင်တွေကြားက
ရွက်နဲ့လှေလို
လိုအပ်လို့ချည်နှောင်ထားတဲ့ကြိုးလေးပါ
တက်နဲ့လှေလိုလည်း
အပြန်အလှန်အားပြုပါမှ
ရှေ့ကိုရောက်ကြမယ်လေ.....
                 စွန်လွှတ်တင်နေသလို
                 မင်းကလည်းတင်း
                 ငါကလည်းမလျော့နိူင်လျှင်
                 ပြတ်ဖို့ပဲရှိတော့တယ်
တကယ်တော့ ဒို့တွေဟာ
သူငယ်ချင်းဆိုတဲ့ ဖန်ခွက်ကလေးကို
ဖွဖွလေးကိုင် ရွရွလေးပိုင်ထားရတာလေ
မတော်လို့များ
လွတ်ကျလို့ကွဲခဲ့ရင်
အဆင့်မြင့်နည်းပညာအားကိုးနဲ့
ပြန်အစားထိုးလို့ ရတယ်ဆိုပေမဲ့
အက်ကြာင်းလေးကတော့ ကျန်နေမှာပဲ..။
                                             သူ {သရက်}

0 comments:

Post a Comment